Poslovne vesti - Makedonija

Раст на индустриското производство во јуни за 5,4 отсто

Индустриското производство во јуни 2010 година, во однос истиот месец минатата година бележи раст од 5,4 отсто, покажуваат податоците на Државниот завод за статистика.

Индустриското производство во периодот пак од јануари до јуни 2010 година е намалено за 5,3 отсто во споредба со истиот период лани.

Индустриското производство бележи пораст од 19,9 проценти во секторот вадење руди и камен, преработувачката индустрија е на исто ниво, а во секторот снабдување со електрична енергија, гас и вода бележи пораст од 49,7 отсто.

По индустриски групи пораст се забележува кај Енергијата за околу 32 отсто, капитални производи за 0,6 проценти, трајни производи за широка потрошувачка за 4,3 отсто и кај интермедијарни производи, освен енергија за 4,5 отсто.